MASCOTA DA BIBLIOTECA

Tiñamos que propor unha mascota para a biblioteca do colexio.
Primeiro miramos a información que nos mandou a biblioteca sobre as mascotas e logo puxémonos a pensar que podería ser:
- E un paxaro que vive na biblioteca.
- Porque ten un niño con ovos na biblioteca.
- Porque vive nun libro.
- Dalle de comer aos seus fillos.
- Come palabras de papel.
- Voa polos debuxos.
- Chámase COMEPALABRAS.
Despois debuxaron ao Comepalabras.

Aquí se amosan os debuxos nos que se distingue ao paxaro. Veredes que nalgúns hai un primer debuxo moi esquemático, foi decirlles que podían facelo mellor e cambiaron os resultados.
Ao final escolleuse unha mascota proposta por outra das clases pero éste foi o noso traballo.

IMAXINOQO

O xoves, 15 de novembro, todos os nenos e nenas de 5 anos do colexio asistiron á Exposición IMAXINOQO da editorial OQO.
Había carteis de certos contos desta editorial e tamén figuras grandes como Mariluz a avestruz.

O mellor de todo foi que nos estaba a esperar Rosana co mono Teófilo, o amigo de Chocolata, para contarnos unha chea de contos máis: Cocorico, A princesa do Caurel....
En Gondomar temos moita sorte porque os que invitaron a Rosana e Teófilo foron os amigos e amigas de Espazo Lectura.
Estivemos unha chea de tempo moi divertido a escoitar contos.

FESTA DE NADAL

Para ir á FESTA DE NADAL en Guillufe preparamos unhas coroas que levamos postas.
Cando chegamos xogamos no patio, logo viñeron os Reis Magos que regalaron a todos cornos de reno e narices verdes. Despois baixamos a merendar. Eramos unha chea de xente!!!
Á volta no autobús, xa era noite e pasamos por todas as casas ilumunadas polo Nadal. Foi unha viaxe moi divertida.

ÁRBORES DE NADAL

Aproveitamos a idea das árbores de nadal con triángulos para facer un mural entre todos. Lévounos bastante tempo e fixo que tivesemos que esperar a nosa quenda mentras outros estaban a traballar.
Volvimos usar a mesma proposta para que cadaquén fixese a súa felicitación de Nadal (que xa mirachedes noutra entrada deste blog). As profes só axudaron aos máis pequenos dándolles os triángulos recortados.

AGRUPAMOS

Na primeira semana de decmbro no obradoiro cos bloques lóxicos adicámonos cos de 4 e os de 3 anos a "xuntar os que son parecidos". O primeiro que se lles ocurriu foi agrupar os da mesma cor.
Logo fixeron composicións con elas
Ao facer esta amarela dixo Óscar: "Mira, unha árbore de Nadal!"

BO NADAL !!!!

Xa rematados os problemas técnicos, temos un montón de novas atrasadas asi que comenzamos polas nosas felicitacións de Nadal, que xa deberon chegar ás vosas casas por correo ordinario.
Só faltan as que remataron o derradeiro día clase os nenos e nenas que estiveron enfermos en días anteriores.
Cos mellores desexos para todos.

A NEVE

Estabamos a falar da fin de semana:
- Eu fun á neve ao Galiñeiro - dixo Josué.
- E que fixeches?
- Bolas e tirábaas con papá.
- Pois eu fun ao galiñeiro da miña avoa e había neve e tireille bolas ás galiñas - dixo Xairo.

CARACOIS

Como todos os días traen caracois á escola, o venres falamos deles. Primeiro falamos do que saben dos caracois que é:
- Comen margaritas e perixel - Comen herba - E verdura - E follas - Tamén comen cousas que non son para que coman os nenos - Comen fariña
- Tamén se suben ás árbores e métense na súa cuncha
- Comen amorodos
- Os caracois sacan baba polo pé - O pé é a cousa por onde se arrastran
- Teñen uns cornos con ollo
- Botan os cornos ao sol - Eu teño caracois nunha pedra, moitos - Métense sobre as rocas - Debaixo
- Teñen concha - Viven na súa concha - Teñen unha concha redonda
- Péganse por abaixo
- Comen máis cousas

Logo falamos de que queremos saber:
- Como se meten debaixo das rochas?
- Como se suben ás árbores?
- Como se pegan? - Pola baba - E quédanse pegados? Non
- Que beben? - Sabes como beben?: Comen herba mollada e xa beben - Sorbendo a auga -Teñen unha palliña - Parece unha palliña pero non o é

REMOLDIÑO VAI Á FEIRA

Onte fomos a Gondomar para ver á obra de teatro "Remoldiño vai á feira" invitados por Espazo Lectura. Primeiro fomos merendar ao parque da Coelleira. Logo fomos á Biblioteca do concello e vimos como os caracois Remoldiño e Rolando ían para a feitra de Monterroso e o que lles pasaba polo camiño.

Ao rematar regaláronlle un conto de Remoldiño a cada un. Pasámolo moi ben.

TOPOLIN

Hoxe rematamos de facer entre todos unha ilustración do libro "Topolin construye una casa" que xa levabamos un tempiño elaborando porque queriamos participar todos.

Topolin

View SlideShare presentation or Upload your own.

NA BIBLIOTECA

O venres é o día que adicamos á biblioteca: escollemos na clase os libros que imos levar á casa.

Cando non chove imos á biblioteca central que está na sede, moi perto da nosa clase. o venres pasado fomos ata alí, estivemos a mirar os libros que veñen de chegar.

Para rematar limos todos xuntos unha nova Carapuchiña Vermella cuns debuxos moi interesantes. nesta carapuchiña o lobo morre polo peso das pedras no bandullo e a Carapuchiña volve á súa casa.

Podedes atopar a referencia do conto aquí.

ERRO ACERTADO

Hoxe estabamos a pasar lista cando dixo Óscar:
- Hai así de Davids - e levantou tres dedos.
- Cales hai - preguntei, algo estrañada porque na escola só hai dous.
- Si: David P., David B. e David, meu irmán - respostou.
- E cantos son así? - preguntei, levantando eu tres dedos.
- Tres.
Todas as súas afirmacións eran correctas inda que non o pareceran nun principio.

FEIXOAS

Hoxe Sabela tiña unha chea de feixoas para almorzar que collera da árbore que ten na casa.

Así que as miramos, logo as abrimos e despois as probamos.

Pasamos a falar un pouco:

- Como se chamará a árbore que da feixoas? - preguntou a mestra

- Feixoeiro -dixo un.

- Feixóns - dixo outra.

- Feixoes - agregou un máis.

- Pois non a árbore que da feixoas chámase feixoa tamén.

Así que dimos un paseo ata a casa de Sabela para mirar a súa feixoa. Polo camiño díxonos que só da feixoas no inverno.

MAGOSTO

O 31 de outubro fixemos o noso magosto na unidade de VILAZA.




Alí fixemos xogos e asamos as castañas con pico.



Comimos as castañas asadas e o almorzo.




Xogamos coas follas.



Pasámolo moi ben!!

SANTOS

Para a noite de Santos preparamos dúas rabaquetas que traeron dous dos cativos das súas casas. Marcámoslles ollos, nariz e boca.

Vaciamolas.

Logo puxémoslles as velas e probamos no baño a escuras como ían verse de noite. Daban medo!!!

MISI

O 5 de outubro Lucas e os seus pais atoparon un gatiño por detrás da sede. Pasei eu - Eli, a titora- e dixéronme que non podían levalo á casa porque teñen tres cans, así que acordamos levalo á escla mentras non lle atoparamos casa.

Leveino á veterinaria para comprobar a súa saúde. Logo na escola pregunteille aos pais e nais se había alerxias ou problemas, posto que de non habelos é moi positivo ter un animal na escola ao que hai que cuidar, alimentar, limpar e acariñar. Como non os hai, agora na escola somos un máis.

Puxémoslle nome. As suxerencias dos nenos e nenas foron: "Pato Donald", "Misi", "Burro", "Bambi" e"Cobu". Votaron o que máis lle gustaba e foi escollido "Misi" por 8 votos.

BENVIDOS!

Xa levamos casi dous meses de clase e estivemos moi ocupados coñecéndonos. Temos moito que contar porque nos pasaron unha chea de cousas e trataremos de irvolas contando pouco a pouco, ao tempo que imos contando as novas que nos van pasando. Tentaremos de irlle dando xeito e ir publicando arreo a partir de agora.

Levounos un tempo aprender o nome de cadaquén, tanto dos nenos e nenas novos como os das profes pero agora xa todos sabemos como se chaman todas as persoas que estamos a traballar na clase.

Para axudarnos pasamos lista todos os días coas tarxetas que vedes na foto. Hai que repartilas e logo catro ou tres encargados pasan lista. Para axudarlles non lles decimos o que está escrito senon que damos pistas da persoa que pode ser: "O neno que esta sentado entre ....... e ........", "A nena que leva un pantalon vermello e unha sudadeira rosa e branca" e outras polo estilo.

A NOSA CARA

O venres fixemos con Susana o obradoiro das nosas caras: amosounos fotos vellas de como eran os seus avós, a súa nai e máis ela cando eran nenos.

Logo repartiunos unhas fotos grandes das nosas caras en anacos: tiñamos que recoñecer os das nosas caras e reconstruilas. Entón dábanos unha enteira. Levámolas para casa.

Tamen fixemos un marco de fotos que quedou a secar na escola.

COPITO

Este xoves pasado, o pai de Sabela truxo a Copito de visita á escola e contounos cousas del.

É un can"snauzer", xogou con nós e foi moi divertido. Tamén lle dimos auga para beber e máis unha pelota para que xogara. Foi moi bo e deixou que todos lle acariñaramos.

Foi unha visita moi interesante.

MEDÍMONOS

Onte levamos para casa unhas tiras de papel nas que se recollian o que mediamos fai un ano, en setembro do 2007, este pasado febreiro e agora.

Marcamos coa tira azul a primeira vez que nos medimos e logo fomos engadindo pedazos doutras cores por cada vez que nos mediamos.

Todos medimos diferente e crecimos a distinto ritmo pero todos aumentamos de altura. É moi curioso: cando máis crecimos casi todos foi de setembro a febreiro.

Canto mediremos no vindeiro curso?

VOCABULARIO

Hoxe fixemos flores con Elva aproveitando cartóns de ovos. Logo veu Ángeles e convertímonos en malabaritas pois fixemos bolas para malabares con arroz e globos.
Josué cumpliu onte 4 anos e tróuxonos unha piñata que preparamos e logo vaciamos na escola. Nerea comentou que ao seu cumpleanos, que celebrou o sábado, a súa sobriña Bárbara tamén lle trouxo una piñata.
- Tes unha sobriña? - preguntoulle a profe
- Si - respostou
- Entón, o teu irmán ten unha filla?
- Non, meu irmán está casado con Bárbara.- dixo Nerea
- Ah, entón é a túa cuñada
Ao longo da mañá repetiu varias veces o da sobriña e sempre decía que non lembraba o de cuñada.

Outras anécdotas co vocabulario teñen que ver coa nosa visita ao parque de A Canuda.

Por exemplo élles moi difícil decir monitora así que cando xa marchara ela e estabamos falando

Lucas chamaballe "a señora da planta" e Iván preguntaba pola "xefa".

Cando voltou á casa Uxía coméntoulles aos seus pais: "Vengo de salvar a la tierra"

BIBLIOTECA

Hoxe, como todos os venres, traballamos na biblioteca.

Miramos os debuxos que cadaquén fixo sobre o libro da semana pasada, rexistramos o que se devolveu e se nos gustou ou non. Despois rexistramos o que imos levar hoxe para casa. É moito traballo! pero facémolo moi ben.
Hoxe non choveu, así que puidemos ir á biblioteca da sede que é moito máis grande ca nosa. Xa facía moito que non íamos.

Miramos os libros que veñen de chegar e que están no expositor da entrada, que agora se chama punto de lectura informal.

Escollimos os que nos pareceron máis bonitos e fomos para dentro. Escollimos Discurso do oso e Eli léunolo. Gústounos.

A CANUDA, 1ª parte

Hoxe fomos ao parque de A Canuda en Salvaterra. Pasámolo moi ben, vimos moitas cousas e xogamos nun parque infantil eeeenorme.
Como a camara quedou sen pilas e non din pasado todas ao ordenador só vos podo amosar fotos da primeira parte:
Chegamos e miramos un vídeo sobre os animais que hai en Salvaterra. Logo miramos as plantas aromáticas, as da horta e os animais da granxa.

Fomos ao estanque e paseamos nas barcas.
Xogamos no parque infantil.
Comimos e voltamos a xogar. logo collimos o autobús e casi todos os máis pequenos se durmiron.

CONCERTO

Hoxe fomos ao Auditorio de Gondomar aun concerto interpretado polo alumnado de 1º de Bacharelato do I.E.S. Auga da Laxe. Antes de ir falamos do que íamos ver: - Instrumentos musicais * (a profe)- Cales? - Guitarras, tambores, baterías, trompetas, saxofóns, flautas, violíns, teclas. * - Onde hai teclas? - Nos pianos Fomos a Gondomar e asistimos ao concerto que onde estabamos nós sentados se miraba así:

Cando voltamos á escola falamos outra vez e decatámonos de que non había nin trompetas, nin violíns. Adiviñamos os outros instrumentos que dixemos e ademáis tocaron a pandeireta e o punteiro da gaita.
Gustounos moito,

Comenzo

Xa estamos aquí!
Tardamos tanto, inda que xa o falaramos fai tempo, porque é algo novo para todos nós e non sabíamos moi ben como facelo. Esperamos que nos axudedes a melloralo.
Pretendemos amosar ás familias (e os amigos e amigas) parte do que estamos a vivir na escola e non podemos levar para casa na man. Algunhas desas cousas que nos quedan na cabeza e no corazón para lembralas despois.
Temos un maio de choiva e seguimos a mirar para a nosa toupiña, a derradeira vez vimos o que lle pasou cando se atopou un paraugas