BOLT

O xoves fomos ao Cine imperial de A ramallosa a mirar a película Bolt. Logo almorzamos no parque do lado da Foz e os nenos enas xogaron un rato. A película gustoulles bastante e o venres fixeron aos protagoniostas da película: un can e unha gata con adhesivos.

O QUE SABE DAVID

David trouxo os seus bolos miñoranos, primeiro colocounos no patio pero despois fomos á pista de bolos que está á beira da unidade.

David faino moi ben pero vai con tanta velocidade que só nos sairon fotos dos bolos parados no seu sitio. probamos todos e todas a tirar a bola pero noné tan sinxelo como parece.

O QUE NOS AMOSOU UXÍA

Un día que estabamos a falar do que estaban a aprenderlles fora da escola Uxía dixo que ela sabía patinar.

Así que o venres 13 trouxo unha maleta grande cos patíns, púxoos, púxolle un protector enriba e patinou pola clase para diante e para atrás, deu voltas e fixo o anxo. Nin imaxinabamos que sabía tanto de patinaxe.

ALICIA NO PAIS DAS MARABILLAS

O 3 de marzo fomos ver Alicia no país das Marabillas que representaban o grupo de teatro Vichelocrego no I.E.S. Auga da Laxe de Gondomar. Ese grupo está formado por nenos e nanas que estudan nese Instituto. Na obra todo estaba moi escuro e eles levaban roupa de cores fortes.
Ao día seguinte falamos da obra e os nenos e nanas intentaron debuxar escenas da representación. Aquí vedes algúns.

XARDÍN

Uxía trouxo unha azalea de flores rosa que plantamos no xardín e logo regamos.

















Como a mangueira non nos chega ao final do patio tivemos que regar as plantas do fondo con caldeiros. Había que ir a modo e con cuidado para non tirar a auga polo chan.

COOPERACIÓN

Ás veces os máis grandes dea escola axudan oaos máis pequenos a facer os traballos. Nesta foto vése como están a ilustrar a canción "Púxeme a contar" facendo unha columna de nove pedras.

BERCES 3

Despois dunha chea de digficultades técnicas con esto das novas tecnoloxías para a que trsanscribo o traballo da escola, voltamos á rede e tratarei de ir recuperando as deste mes sen escribir.
Voltamos a retomar o dos berces, así que comprobamos as medidas, fixemos en papel uns rectángulos contando polo que tiñamos apuntado e puxemos aos bonecos enriba. Os pequenos cabian ben pero para a grande tivemos que aumentarlle 2 cm. polo lado máis curto. Polo lado longo foron: 1 e logo outro e logo 8 máis o que fan 10.
Agora teño que traer pezas de madeira dese tamaño e xa están os berces. Eso foi o que dixeron os nenos e nenas.
Nesta foto vése ben como a boneca grande noncabía ben nas medidas que tiñamos ao principio.